Главная
Наши контакты
Подворье сегодня
Расписание богослужений
Часто задаваемые вопросы
История подворья
Троицкая школа
Интернет-магазин
Издательство
Хоровая деятельность
Интервью, статьи
Проповеди
Фотогалерея
Видеоканал на Youtube
Поиск по сайту
Изречения Святых Отцов
Святитель Филарет Московский
Иконы Пресвятой Богородицы
Жития Святых
Чтение Псалтири на Подворье
Душеполезные чтения 2017
Авторизация


Забыли пароль?
Вы не зарегистрированы?
Регистрация
Главная arrow Подворье сегодня arrow Социальное служение arrow Молитвы заключенного
Молитвы заключенного

Анастасия Узорешительница Молитва великомученице Анастасии, именуемой "Узорешительница"

О многострадальная и премудрая великомученице Христова Анастасие! Ты душею на небеси у Престола Господня предстоиши, на земли же, данною тебе благодатию, различная совершаеши исцеления: призри убо милостивно на предстоящия люди и молящиеся пред мощами твоими, просящия твоей помощи: простри ко Господу святыя молитвы твоя о нас, и испроси нам оставление согрешений наших, недужным исцеление, скорбящим и бедствующим скорую помощь: умоли Господа, да подаст всем нам христианскую кончину и добрый ответ на Страшнем Суде Своем, да сподобимся и мы купно с тобою славити Отца и Сына и Святаго Духа во веки веков. Аминь.

 

Молитва заключенного ко Господу Богу

Господи Боже, Создатель мой и Спаситель, да будет благословенно Твое Святое имя! Благодарю Тебя и славлю за все блага, которые я принял от Тебя в этой жизни! Ныне же я скорблю и болезную и призываю Твое Имя. Поношения пали на меня, будто я в преисподней, во мраке и бездне (Пс. 87, 7). Скорблю об этом, и по скорби моей понимаю, что я согрешил пред Тобою, и что беды мои пришли на меня по моим грехам. Ведь праведники Твои, будучи в темнице, не унывали, а воспевали Тебя и радовались, страдая. Господи, если Ты вспомнишь беззакония, кто устоит? Ибо нет человека, который жив был бы и не согрешил. Но Ты, Господи, взял на Себя грехи всего мира и кающихся очищаешь. Верю, что и меня грешного не отвергнешь от Своего Лица. Твой Единородный Сын пролил кровь за весь мир. Верю, что Он хочет и может омыть от грехов и меня. Поэтому вместе с Давидом взываю: исповедаю беззаконие мое, Ты же, Благой, прости нечестие сердца моего. Я боюсь Твоего суда и осуждения человеческого, но еще больше боюсь Твоего суда, от которого никто не уклонится, и вечного осуждения. Если восстанет на меня неправда, буду дерзновенно молиться словами Давида: услыши, Господи, правду мою, рассуди дело мое и по правде Твоей избави меня. Если я неправедно поступил, уврачуй мою неправду Твоим милосердием. Не допусти, чтобы мое сердце склонилось лукавству, сокрытию истины и к ложному оправданию. Помоги мне понять, в чем моя неправда, и возненавидеть ее, помоги возлюбить праведность и в истине обрести облегчение моей душе. Облегчи бремя моего бедствия. Бремя же, которое мне суждено понести, буду нести с терпением ради очищения от моих грехов и ради умилостивления Твоего правосудия. Если стыдно мне будет перед людьми, буду терпеть со смирением, чтобы умилостивить Тебя, Господи, и без стыда предстать на Последнем суде Твоем перед лицом всего мира. Прихожу к Тебе скорбный и печальный, не лиши меня духовного утешения. 'Прихожу к Тебе омраченный, яви мне свет упования на спасение. Припадаю к Тебе изнемогший, восставь меня и укрепи Твоею благодатью. Но более всего прошу - дай мне желание творить Твою волю, помоги мне творить ее, чтобы я с мирной совестью прославил Твое Святое Имя - Отца, и Сына, и Святого Духа. Аминь.

 

Молитва заключенного к Божией Матери

Пресвятая Дево, Мати Господа и Спасителя моего! Вси человецы притекают к Тебе и никто притекаяй отходит от Тебе всуе, аще о добре просит. Молят Тя архиерее и священницы, яко Матерь еси Архиерея Великаго, прошедшаго небеса. Молят Тя иноки и инокини, яко Сама еси Пречистая Дева. Молят Тя отцы и матери, иже соболезнуют о своих детях, в немощех лежащих или далече живущих, яко Ты Сама болезнующи искала Сына своего, егда Он, дванадесятилетний отрок, оста во Иерусалиме. Молят Тя обидимии, яко претерпела еси гонение от Ирода с Божественным Младенцем. Возносят к Тебе последнюю свою молитву умирающии, яко Ты предстояла еси у Креста умирающаго Сына Твоего. Молят Тя праведнии и вси хотящии благочестно жити: и никтоже от них достиже праведности, не имеяй Тебе молитвенницу. Тако вси имут Тя заступницу усердну и всем подаеши скору помощь. Един ли аз, грешник, в темнице седяй, забвен буду от Тебе? Мене ли единаго молитву не услышиши? Мене ли, прибегающаго к Тебе, не приимеши под кров Твой? О, никакоже помышляю сему быти. Понеже Матерь еси Спасителя погибающих грешников. Понеже яко несть иного Бога разве Иисуса Христа, Сына Твоего, со Отцем и Святым Духом во Едином Божестве покланяемаго. Тако несть инаго у Престола Божия ближайшаго ходатая, якоже Ты, Мати Божия! Матернее моление много может ко благосердию Владыки. Пред Ним Тебе вся возможна суть. Сего ради на Тя по Бозе все упование мое возлагаю. Сего ради храню аз пречистый образ Твой во узилищи моем, памятуяй близость Твою ко всем скорбящим и заключенным. Обаче Ты Матерь Божия, и являла еси доныне ко мне многая милости по моим прошением к Тебе! Чимже аз явихся пред Тобою? Увы мне злонравному! Аз же непамятлив бых Твоих благодеяний. Но, о милосердая Царице Богородице, прости моя измены и неразумие, не отвергни мене, паки возвращающагося к Тебе, яви ко мне древняя Твоя милости и приими мя на Свои мощныи руки, аки боляща, аки еле жива суща от язв греховных. Приведи мою душу грешную к покаянию. Беззакония бо моя превзыдоша главу мою. Колико доселе прогневах аз Бога моего лжами, хищениями, пиянством, крамолами, жестокосердием, безсовестием. Безпрестани согрешаю и в сей темнице леностию, мечтаниями, обманами, непокорством, досаждениями соузникам моим и развращением их, татьбами и роптанием на мою участь. Ктому не бысть у мене доныне ни слез, ни умиления, или же аз плаках токмо от досады моея. Примири убо мене, Благодатная, с Богом, Сыном Твоим. Сподоби мя получити разрешение во всех гресех моих в тайне покаяния, и абие причаститися Святаго Тела и Крове Сына Твоего. Помози ми отныне возненавидети злыя мои страсти и крепко воинствовати противу греха; зане аще в чесом и покаюся, по малом часе таяжде творю, и сице лжив пред Богом обретаюся. Испроси ми, Владычице Богородице, благодать прочее время живота моего в твердом покаянии скончати. Милующая грешники, не презри мене перваго из них. Зриши моя беды, зриши мою горьку жизнь в сей темнице. Помози ми претерпети до конца позор мой, тесноту и прочия темничныя лишения, да не впаду в отчаяние, да не дерзну возносити хулы на Промысл Божий, но токмо скорблю и плачу о гресех моих, токмо от печали моея о чадах моих и сродниках, от нихже разлучен есмь, обращаюся ко утешению в молитве. Несть у меня терпения и кийждо день мню, яко наста конец моему терпению. О, печалъных недоведомое утешение! Утеши моего отца и матерь со сродники, иже скорбят о мне, для нихже аз содеяхся яко мертв. Наипаче же, о чадолюбивая Мати! не лиши Твоего покровительства жену и чада моя, ихже оставих аз, яко преступный отец, зане они неповинни суть во гресех моих. Препитай их и сохрани Твоею молитвою здравы и богобоязненны. Даруй ми, напоследок, видети свободу и со слезами радости облобызати моих домашних. Из глубины души моея вопию к Тебе, Царице Небесная, от одного образа Твоего с предвечным Младенцем на руку Твоею держимым чувствуяй в сердце моем отраду: не отрини мене, буди ми покровительница во всяких моих нуждах, во всяком моем страхе и унынии, днем и нощию, во здравии и болезни. Облегчи моя душевныя и телесныя скорби, яко Ты еси всех скорбящих радость. Милостива буди ми не зде токмо, но и тамо, в стране вечней. Не остави мене без Твоего заступления в день Страшнаго Втораго Пришествия Господа моего. Ей, Пресвятая Богородице! Не забуди тогда моея веры, яже к Тебе, и недостойных моих молитв пред Тобою. Да тако, быв на вечныя времена помилован Тобою, в безконечныя же веки буду благодарити Тебе и славословити Отца и Сына и Святаго Духа, аминь.

 

Молитва заключенного к св. Иоанну Предтече

Предтече и крестителю Христов Иоанне, проповедниче покаяния! Ты неповинне всажден был еси в темницу: аз же, вверженный в злоключение сие, достойное по делом моим приемлю, яко преступник правды и закона. Всели в мое сердце чувство покаяния о гресех моих! Несть бо ни единыя злобы ни беззакония, ихже аз, окаянный, не содеях; престрашни греси мои. Учителю правды! научи мя право глаголати о мне самом пред судиями. Не преставаяй и в темнице обличати беззаконнаго Ирода, даруй ми, да наипаче зде обличает мене совесть моя, да от обличении ея не возмогу на долзе времени утаити мое преступление. Аще же осужден буду понести наказание, даруй ми быти терпеливу, якоже ты сам терпеливно несл еси усекновение главы твоея, желанное от Иродиады. Ей, Крестителю Христов! Простри ми, рабу твоему, руку, крестившую Христа Спасителя моего, да мя извлечеши из глубины погибели. Ты еси больший всех в рожденных женами, ты еси первый по Богородице, праведник между человеки. Сего ради прибегаю к тебе аз, имеяй потребу в велицем ходатае, яко велик есмь грешник. Убо и да осенит мене, недостойнаго, благодать твоя, Предтече Господень.

 

 

Анастасия УзорешительницаМолитва заключенного к святителю Николаю Чудотворцу

Великий чудотворче и угодниче Христов, святителю отче Николае! Ты, скорый помощник еси и благостынный заступник всем призывающим тя, паче же сущим в смертных бедах. Таковыя чудеса милосердия ты являл еси во дни жития твоего. Егда же, по смерти твоей, предстал еси Престолу Божию, по сем никтоже может исчислити милостей твоих, аще бы и многи языки имел. Ты сохраняеши плавающия по водам; ты многия утопающия спасл еси. Ты храниши в пути, ихже застигоша ветры, великий снег, лютый мраз, множайший дождь. Ты соблюдаеши домы и имения от запаления злонамеренных человек и всеконечнаго сожжения. Ты защищаеши сущия в пути от нападения злодеев. Ты пособствуеши нищим и убогим, избавляяй их от крайняго уныния и грехопадения, нищеты ради. Ты заступаеши невинныя от оклеветаний и неправеднаго осуждения. Ты спасл еси от самыя смерти триех мужей, в темнице седящих, имже определено бе посечение мечем. Тако, тебе даровася от Бога великая благодать молитися за человеки и спасати сущия в беде! Еще же ты прославился еси твоею помощию людем между неверными агаряны. Мне ли токмо, злосчастному и бедствующему, не поможеши, аще и сам аз сей жребий уготовах себе? Заступи убо и мене от уныния и отчаяния, зле обстоящих мя. О, великий угодниче Николае! Ты сам претерпел еси заключение в темнице за святую веру и, яко ревностный пастырь Христов, сам познал еси, сколь тяжко лишение свободы и во узах пребывание. Коль многим, молящимся тебе во узах, ты помогл еси! Облегчи и мне, сидящему в темнице, сие злоключение. Даруй ми скоро видети конец темничнаго моего пребывания и получити свободу, — не ради продолжения грехов моих, но ради исправления моея жизни! Помолися усердно и о сем, еже избавитися ми вечныя темницы, да твоею помощию спасаемь, прославляю Бога, дивнаго во святых Своих, аминь.

Молитва заключенного к Ангелу хранителю

Ангеле Божий, предстояй ми от купели святаго крещения! Колико аз, преогорчевах тебе злыми помыслы, скверными словесы и постыдными деянями в житии моем! Ктому же, не памятовах, яко имам тя даннаго ми от Бога хранителя. Егда аз упивахся вином, или безстудно плясах, или в блуде, хищениях и злоприобретениях иждивах житие мое: и в сии дни ты не отлучался еси от мене, но токмо, яко чистый дух, печален был еси о мне, непотребнем рабе. Коль множицею аз бых близ самыя смерти, творяй преступныя дела и отнюдь не помышляяй предстати внезапу Богу-Судии! Смерть же не постиже мене тогда: и вем, яко ты отвратил еси ю от мене. Тако выну охраняеши мя, и не един аз есмь, внегда един жительствую во узилищи сем, но с тобою, хранителю мой. Аще и не вижду тебе телесными очима, ты еси присно спребываяй окаянной моей душе и телу. Якоже солнце, преходя скверныя места, не оскверняется, сице и ты, светоносный Ангеле Божий, не возгнушайся моея смрадности, но николиже отлучайся от мене и в сей темнице. Сохрани мя здрава нощию и неприступна во сне диавольскому искушению. Отжени от мене безсоние. Сопутствуй ми, во дни, на кийждо час, во всех входех и исходех моих. Даруй ми крепость телесных сил, еже понести горькия работы, в наказание мне налагаемыя, горькия же паче по вине их. Заступи мя от злобы бесов, люте нападающих на мою душу: ибо от единаго мановения десницы твоея бежат беси. Паче же всего отжени от мене смятение душевное и ропот вредный: сый бо смущен сердцем, не хощу ни на кого и ни на что благоприятно взирати и присно зде огорчеваюся. Даруй очам моим слезы о гресех, устам же тихое глаголание. Не ступи от мене, святый Ангеле, и егда душа моя начнет разлучатися от тела, но предстани ми у смертнаго моего одра тих и радостен; ибо имам тогда видети тебе близ суща. Не остави и послежде мою душу, яже ти от Бога предана бысть непорочне, но яже по смерти моея имать судитися, яко оскверненная многими грехми. О, хранителю мой! Призови тогда помолитися о мне и прочия безплотныя силы, да твоим заступлением помилован буду, грешный раб (имя), во веки веков, аминь!

 

 
Назад Назад


Если вы заметили ошибку в тексте, выделите ее мышкой и нажмите Shift+Enter
 
їїїїїї.їїїїїїї