Кондак 4
Буря страстей в сердце моем возшуме, се внидоша воды до души моея, углебох, приидох во глубины морския... се сниде дождь, и приидоша реки, и возвеяша ветры греховнии, и нападоша ныне на храмину мою! Спасителю мой, бурь Утишителю, рцы бури моей, повели волнению моему: «Молчи, престани»,— и по глаголу Твоему буди тишина велия, да в тишине сей благодарно зову Ти: Аллилуиа!
Икос 4
Господи мой, Господи, от законник о учении Твоем истязуемый, не истязуй совесть мою о содеянных мною злых, яко безответен еемь; аще беззакония назриши, кто постоит?
Иисусе мой, Сладчайший Иисусе, от Каиафы лжесвидетельствуемый, оклеветаемый, како аз воззрю на Тя, егда возводимые на мя клеветы и напраслины терпети не могу, смущаюся, раздражаюся. Твоим долготерпением мое нетерпение покрый, Долготерпеливе, Христе мой, Пресладкий Христе, от Ирода поругаемый и уничижаемый,
что реку Ти и что возгла-голю, егда на кийждо час зрю себе превозносящася, гордящася? Уничижением Твоим, смирением
29 апреля
Твоим победи, молю, ничим не победимую гордыню мою.
Сыне Божий Единородный, от Пилата неправедно судимый и зле осуждаемый, кий ответ Тебе дам, яко бервно, еже во очесе моем, не чую, сучец же, сущий во оце брата моего, всегда вижду, себе не сужду, иных же всегда осуждаю. О Судие мой, научи мя всею душею, всею жизнию исполняти великую заповедь Твою: не судите, да не судимы будете!
Господи Иисусе Христе, Сыне Божий, в несении креста спасительнаго, десницею Твоею мне низпосланнаго, укрепи мя, вконец изнемогающаго! |